المدائن سات
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 عملاق الشعر ايهاب المالكيّّّبعد ما جيب جرحي

اذهب الى الأسفل 
كاتب الموضوعرسالة
محمد العايدي
المدير العام
المدير العام
avatar

الدولة : العراق
عدد المساهمات : 209
تاريخ التسجيل : 02/08/2011
العمر : 23
الموقع : المدائن سات

مُساهمةموضوع: عملاق الشعر ايهاب المالكيّّّبعد ما جيب جرحي    الخميس أغسطس 04, 2011 5:57 pm




عد ما جيب جرحي تروفه اليه ردود


انا استجمعت حيلي وبالصبر رفته

امر وتشوفني اشلونه الوكت وياي
ما مهموم وضحك والحزن عفته
ماخليتلك خيط امل تترجاه
دفض حته الخيال امن الجفن شلته
وضعف روحي بدي جريت امثل بيه
كدام اليضدك للصلب جبته
من اتشوفني تعرفني ؟....
لا والله مو ذاك الغشيم المن كبل شفته
اكبالك غير واحد بي شبه من ذاك
ما يشبه هذاك البي جرح عفته
مره التجربه المريت بيهه وياك
مره وعلمتني وحنظلك ضكته
ولو خسران بس الله يعوض الراح
حب راح ابعشرتك ونتهه ابوكته
عفتك دونما تسمعلي وقع اقدام
ماتحجي الشموع وينطفن سكته
عرض كدامي ضلي وعطلت ممشاي
حاجيته ونصحته ومن رفض دسته
وضل حلمك بعيني اعلى الجفن مطروح
جذاب اليكلك من رحت جسته
ولآن ماردت منك شي يضل تذكار
ماردته بحياتي وعالخلك سمته
منو الياخذ حلم من ينطي زايد بي
حلم كلش جديد وماستعملته
ابيعه الغير واحد مثل ماسويت
وياي وحنينك للغرب بعته
مثل سجينتك راح انسحب بهداي
حته اترك حياتك واطلع بسكته
بلا ما تشعر ويكسر قراري الشوك
ورجعلك وكول اتسرعت خذته
ردت ينباك جرحي ورصعت بي ماس
ردت اروي الحرامي ومن رفض لمته
انه الطير النزل للطعم من حطيت
روحك للضحيه ومن نزل صبته
ترك لجلك سمه وراويته المجازات
من كصيت جنحه وللقفص جبته
عفتني ويه الجكاره اثنينه امورثين
محد طفه الاخر ونطفيت انته
كبل جم مره اجيلك مشتري وما بيع
وسمع صوت روحي اتكلي عاذرته
ونكثلك اسراري بحضن لحظة شوك
بس تالي الكه سري الناس سامعته
جنت مثل الهوه موتي ابصفنتي ايصير
يحيني اليكلي الشادهه ابشفته
وحلف كارهك وكتشف يطلع شوك
من ضمن السوالف بالحجي الكلته
ردت جم مره اطلعك كلبي ما بي باب
دورته اعلى كيفي وكل كتر درته
وتعلمت كلشي في سبيل انساك
بس افراك وجهك ما تعلمته
هسه ابسد خريفك حطبت ذكراك
خاف ايرد خضارك ونتشي ابجيته
بعد ماريدك اتضل خيط اجلب بيك
وبقه امتاني جفك يفزع ايعته
اتعوف الدفن حبك مثل سر بالراس
تركض عاليحطك راس سالفته
يالمهدور حبك مني كون اتشيل
لا تفتر بروحي وثاري ما خذته
انه امنوميتلك مو من آلم طعنات
لا بس ردت اكلك كلبي مالحته
ما ينخدع كلبي ابدمعتين ارخاص
تتلطخ بدمه وتقره فاتحته
عالي الجف اذا وكت الزعل ينباس
عكس الجف هذاك البصلح بسته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almadainsat.allgoo.net
 
عملاق الشعر ايهاب المالكيّّّبعد ما جيب جرحي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المدائن سات :: منتدى الشعر والادب :: قسم الشعر الشعبي العراقي-
انتقل الى: